Tarehe iliyowekwa: June 9th, 2018
Waziri wa nchi Ofisi ya Rais TAMISEMI Suleiman Jafo amewapongeza viongozi wa Wilaya na Halmashauri ya Wanging'ombe kwa utendaji wao mzuri wa kazi.Mh Jafo ametoa pongezi hizo akiwa katika ziara yake katika Wilaya hiyo tarehe 09/06/2018 katika kijiji cha Palangawanu alipokuwa anakagua ujenzi wa Kituo cha Afya.
"Mimi huwa napenda kuwa muwazi na kupongeza kwa wale wanaofanya kazi vizuri kiukweli niwapongeze mkuu wa Wilaya, Mkurugenzi Mtendaji na Timu yako kwa kazi nzuri mnayofanya katika kusimamaia shughuli za Maendeleo, kazi hizi haziwezi kufanyika kama hakuna uongozi madhubuti"alisema Jafo
Akiwa katika ziara yake Wilayani Wanging'ombe Waziri wa Nchi aliwaongoza wananchi wa kata ya Makoga katika harambe ya kuchangia ukarabati wa shule ya Sekondari Makoga ambapo jumla ya kiasi cha Tsh 137,014,000/= ziliweza kuchangwa ikiwa ni ahadi ,vifaa vya ujenzi na fedha taslimu.Katika kiasi hicho cha fedha Waziri alitoa fedha taslimu 3,000,000/= na kuahidi kuleta jumla ya Tsh 78,000,000/= kuunga mkono jitihada hizo na kusema fedha hizo zitatumika kujenga bweni la kisasa .
Aidha Waziri wa nchi katika Harambee hiyo aliambatana na viongozi wengine waWilaya na Halmashauri jirani na Wanging'ombe, wakiwemo,Mbunge wa Jimbo la Wanging'ombe Eng Lwenge ambapo alichangia Tsh 5,000,000/= ikiwa ni fedha zake na mfuko wa Jimbo, Mkuu wa Wilaya ya Njombe Bi Msafiri Mkurugenzi wa Halmashauri ya Mji Makambako Ndg Malala,Mkurugenzi wa Halmashauri ya Wilaya ya Makete Ndg Namaumbo na Mkurugenzi wa Halmashauri ya Wilaya ya Busokelo ambapo kwa ujumla wao walichangia Tsh 920,000/= na mifuko 100 ya saruji.
Katika kuchangia harambee hiyo Mkurugenzi Mtendaji wa Halmashauri ya Wilaya ya Wanging'ombe Bi Amina Kiwanuka alichangia takribani Tsh 4,000,000/= ikiwa ni Mchango wake na Wakuu wa Idara na Vitengo.
Mkuu wa Wilaya ya Wanging'ombe Comrade Ally Kasinge ambae pia alikuwa kaimu Mkuu wa Mkoa aliweza kuchangia Harambe hiiyo katika nafasi ya Mkuu wa Mkoa , Mkuu wa Wilaya na yeye kama Comrade Kasinge ambapo Takribani Tsh 3,000,000/= aliweza kuchangia.Akimkaribisha Waziri wa Nchi Ofisi ya Rais TAMISEMI Mkuu wa Wilaya alimshukuru Mgeni rasmi kwa kazi nzuri na ya ufanisi wa Harambee hiyo alimtakia safari njema na majukumu mema .
