Tarehe iliyowekwa: April 26th, 2018
TIMU ya veterani halmashauri ya wilaya ya wanging’ombe yaifunga timu ya veterani Ilembula kwa mikwagu ya pernati 3 kwa 1 katika uwanja wa
shule ya msingi Igelehedza mjini Ilembuka kwenye bonanza la michezo .
Bonanza hilo lilichezeshwa kwa dakika 60 ambapo veterani ya halmashauri ilipata goli la kwanza mnamo dakika 28 lililotiwa nyavuni
na Moris Mpemba ambapo goli hilo lilidumu mpaka mapumziko.
Hata hivyo kupindi cha pili kilianza kwa timu zote mbili kukamiana huku mnamo dakika ya 50 timu ya veteran ilembula walipata goli la
kusawazisha likifungwa na James Swichage.
Baada ya mchezo huo kumalizika waliongezewa dakika 10 za nyongeza ambapo si veterani halmashauri wala veterani Ilembula hakuna aliyeona
lango la mwenzie na hivyo kutoka sare ya 1-1 na kulazimika kupigiana penati.
Katika penati hizo veteran halmashauri walibuka kidedea kwa kupata penati 3 huku veteran ilembula walipata moja.
Akikabithi zawadi ya mbuzi kwa mshindi wa kwanza mgeni rasmi katika bonanza hilo mkuu wa wilaya ya wanging’ombe Ally Kassinge alisema
amegundua kuwa anajukumu kubwa la kuanzisha ligi katika wilaya yake na hivyo kuaidi kuanzisha ligi kwa kila tarafa ili kukuza vipaji.
‘’nimegundua kuwa sasa ninajukumu kubwa lililopo mbele yangu la kuanzisha ligi ambapo ligi hizi zitafanyika katika kila tarafa katika wilaya yangu ili kufanya michezo kuwa utamaduni wetu’’alisema Kassinge.
Kwa upande Musa Johh aliwaomba wadau kujitokeza ili kuweza kudhamini mashindano mbalimbali katika wilaya hiyo ili kuibua vipaji ambavyo vimejificha.
katika Bonanza hilo la michezo mshindi wa kwanza alikabidhiwa mbuzi huku mshindi wa pili alipata mpira mmoja.
.
