Tarehe iliyowekwa: August 17th, 2017
Mkuu wa mkoa wa Njombe amefanya ziara katika Wilaya ya Wanging'ombe ili kukagua,kuweka jiwe la msingi na kufungua miradi mbalimbali ya maendeleo inayotekelezwa Wilaya hapa,akiweka jiwe la Msingi katika kituo cha afya cha Kata ya Igwachanya kinachojengwa katika Kijiji cha Palangawanu Mkuu wa Mkoa Ndg Christopher Ole Sendeka amewapongeza wananchi wa kata ya Igwachanya kwa kuanza ujenzi wa Kituo hicho cha Afya ambapo ujenzi huo upo katika hatua ya Renta ikiwa ni nguvu za Wananchi toka msingi hadi hatua iliyopo, ambapo takribani jumla Tsh 31,000,000/= Katika kuunga Mkono jitihada za Wanachi hao Mheshimiwa Mkuu wa Mkoa ameahidi kuchangia Tsh 1,000,000/=.
Katika ziara hiyo Mkuu wa Mkoa wa Njombe alitumia fursa hiyo kuwataka wananchi wa Wilaya zote za Mkoa wa Njombe kuchangia Maendeleo na si kusubiri Serikali kuwaletea maendeleo amesema ni vema Wananchi wakaanzaisha miradi mbalimbali ikiwemo zahanati madarasa nyumba za walimu na vituo vya Afya baada ya hapo Serikali itaongeza nguvu katika kumalizia miradi hiyo.Akifungua madarasa mawili katika Shule ya sekondari Thomasi Nyimbo Mkuu wa Mkoa alipongeza ujenzi wa madarasa hayo na kusema ameridhishwa na ujenzi huo kwani thamani ya fedha inaoneka pamoja na ujenzi wa madarasa hayo shule bado ina changamoto nyingi zinazoikabili ikiwa ni pamoja na upungufu wa nyumba za walimu, Mkuu wa MKoa akihitimisha ziara yake katika kijiji cha Igelango kilichopo kata ya Uhambule aliasa wale wote watakao diriki kuwaharibia mipango ya masomo wanafunzi wa kike kuwa hatakuwa na msamaha na mtu wa namna hiyo.
