WANANCHI MSIMBAZI WANUFAIKA NA MRADI WA TASAF

Tarehe iliyowekwa: March 29th, 2018

WANANCHI MSIMBAZI WANUFAIKA NA MRADI WA TASAF

Kaimu Mwenyekiti Kamati ya Fedha Uongozi na Mipango Mhe Paulina Samata Mwinami , ametoa shukrani zake za dhati kwa TASAF kwa ujenzi wa vyumba viwili vya madarasa,  vyenye jumla ya thamani ya Tsh 34,764,213.18/=  Mhe alitoa pongezi hizo katika kijiji cha Msimbazi hivi karibuni wakati wa ukaguzi wa Miradi ya maendeleo inayotekelezwa.Katika ziara hiyo Kaimu Mwenyekiti wa Halmashauri aliongozana na wajumbe wa kamati hiyo.

Aidha wajumbe wa kamati walipongeza jitihada za wananchi kwa kuchangia nguvu kazi katika mradi huo,kwani TASAF walitoa jumla ya Tsh 65,014,285.53/= na kutumia kiasi cha Tsh 34,764,213.18/= hivyo kubakiwa na Tsh 30,250072.53/= zitakazofanya shughuli nyingine. “Nawaomba wananchi wenzangu tuendelee kuchangia nguvu kazi katika miradi hii inayoletwa na Serikali ili tuweze kummuunga Mkono Mhe Rais wetu wa Jamhuri ya Muungano katika jitihada za kuleta maendeleo”.alisema

Katika ziara hiyo kamati ilikagua miradi mingine inayotekelezwa ndani ya Halmashauri miradi hiyo ikiwa ni

• Mradi wa maji katika kijiji cha kipengere wenye thamani ya Tsh 346,911,917/=
• Mradi wa ujenzi wa Darasa katika Shule ya Sekondari Philip Mangula wenye thamani ya Tsh 12,604,895/=
• Mradi wa ujenzi wa madarasa mawili na ofisi moja shule ya Msingi Mambegu wenye thamani ya Tsh 30,700,000/= ikiwa ni Fedha kutoka Serikali Kuu na Mchango wa Mhe Gerson Lwenge Mbunge.
• Mradi ujenzi wa bweni la wasichana shule ya sekondari Wangingombe wenye thamani ya Tsh 75,000,000/=
• Mradi wa ujenzi wa vyumba vitatu vya Madarasa,ofisi moja,matundu nane ya vyoo na chumba maalum shule ya msingi Ilembula wenye thamani ya Tsh 96,823,000/=

Aidha wajumbe waliwapongeza wataalam kwa kusimamia vema Miradi hiyo na kuwataka waendelee kusimamia miradi inayoendelea kutekelezwa, pia kushirikisha wataalamu katika maeneo husika miradi inakotekelezwa.